توظيب مكينه باترول بالصور
25
7
إضغط هنا للإخفاء
السلام عليكم ورحمة الله وبركاته اما بعد بعطيكم تجربتي في توظيب الباترول موديل ٩٠ بسم الله. انا يا اخوان كانت سيارتي صاااافيه وعزم خيال والحراره ماتعرفها بس للاسف تنقص زيت مع العلم انها ماتدخن ابد ابد. لاكن تنقص من القصيم لرياض ازود من العلبه. احترت صراحه فمنهم من قال من الزملا لا تفك المكينه تبي تكد معك سنين بس حافظ على زيتها ومنهم من قال الشغله شنابر وبسيطه. المهم بعد كثر الاراء والمشاورات قررت اني افك المكينه عند واحد تركي شغله ممتاز وتسقيط شنبر وبعد فك المكينه كانه الفاجعه والحمد لله اني فكيتها. لاني ما ارتاح وموتري ينقص وانا راعي روحات بعيد. حصلنا السلندر فيه فضاوه ولو ركبت شنبر ماراح يمسك صح وكم شهر ويرجع ينقص. بدينا بأسم الله. وخرطنا السلندر مع عمود الكرنك. وشرينا. ١ سبايك ثابته ومتحركه ياباني درجه اولا ٢ شرينا طقم وجيه اصلي وكاله ٣ طرنبه زيت اصلي وكاله ٤ بساتم ياباني درجه اولا ٥ طبات مويه وكاله والباترول يجي ٢٤ طبه ٦ جلد بلوف اصلي ٧ شنابر يباني درجه اولا ٨ مسح الراس ١ ملي مع تدبيل الوجه ٩ اصلاح كلبليتر. ١٠ صبابات زيت وبلوف من التشليح نظيفه. والله يا اخوان قلت الدعوا سهالات ولاكن بعد فك المكينه قص علي ٥٧٠٠ ريال. وقلت ياليتني شاري مكينه اسهل واسرع لي بس التوظيب زينته تعرف وش حاط في مكينتك. اليكم الصور
إبلاغ
سيارات للبيع
الردود
0
4
قبل 9 سنه و 4 شهر